Español
Share
Páxinas de interés
sábado, 2 de junio de 2012
Día da Parroquia de Khanhiwara
¡¡¡Moi boas a todos e a todas!! Como xa moitos sabedes este pasado Sábado 26 de Maio foi o Día da Parroquia de Khanhiwara.
Os nosos nenos e máis nós, os seus responsables, reunimonos no Centro Juan XXIII para ir andando todos ountos ao Centro Juvenil Don Bosco. Como aínda non temos pañoletas fixemos unha pequena prenda distintiva para que os demáis grupos puideran identificarnos: puxemonos unha camiseta branca na cabeza.
 |
| O noso distintivo para este día |
 |
| De camiño ao Centro Juvenil Don Bosco |
Unha vez chegamos alí deixamos as cousas e nos reunimos todolos grupos para comezar o día. Lobecos, Rangers e Pioneiros reunironse para que lles explicaran o xogo da mañá: un xogo,por equipos, de coller bandeiras.
Cada equipo foi ao Parque San Domingos de Bonaval, onde fixemos o xogo. Alí cada un tiña a súa zona para poñer as bandeiras. O tempo non nos acompañou, pero os Scouts podemos con todo e non nos importó. Xogamos e nos divertimos moito.
Antes de comer tamén compartimos o pan na Eucaristía. Na Igrexa de San Pedro celebramos a Eucaristía xunto cos outros grupos Scouts da ADE de Santiago.
Na hora da comida tivemos un gran momento para crear fraternidade co resto de grupos e novos amigos.
Ao rematar de comer os Lobecos e os Rangers xuntaronse para facer un xogo polo barrio: Unha Mision Imposible Ecolóxica. Non era unha simple Misión Imposible, senón que como finalidade tiña a de concienciarnos a cada un de nós do importante que é a natureza e a nosa nai terra. Os Pioneiros foron, guitarra en man, a un asilo de ancians a alegrarlles día cos seus cantos.
Ao volver os Pioneiros encamiñamonos cara a Praza da Quintana para formar alí cunhas cartulinas e cos nosos propios corpos un enorme 25. ¿Porque un 25? Pois porque neste Día da Parroquia celebramos que Khanhiwara cumple 25 anos dende os primeiros khanhiwaneros. ¡¡¡Noraboa por todo este tempo Grupo Scout Khanhiwara!!!
Rematamos o encontro no Centro Juvenil Don Bosco cun acto de peche conmemorativo polos 25 anos de Khanhiwara onde falou un pai do grupo que foi participe da creación deste e contaronnos un breve conto de Khanhiwara.
Cabe destacar que este dia foi importante tamen porque o 22 de Maio chegaron a Santiago as reliquias de San Juan Bosco, fundador dos salesianos, e o 24 foi María Auxiliadora, co cal este Día da Parroquia significou moito para o Grupo Scout Khanhiwara.
Esperamos volver a vernos pronto. Moitas Gracias. Boa caza.
Suscribirse a:
Enviar comentarios (Atom)
0 comentarios:
Publicar un comentario